بھارت کے مشہور پنجابی ریپر ہنی سنگھ نے جارجیا کی خون جما دینے والی سردی میں نورا فتیحی کا کارنامہ دیکھ کر تعریف کرنے پر مجبور ہوگئے۔چند روز قبل ہنی سنگھ نے فوٹو اینڈ ویڈیو شیئرنگ ایپ انسٹاگرام پر ایک ویڈیو جاری کی تھی جس میں ان کی نئی آنے والی ویڈیو ریکارڈنگ کے دوران پیش آنے والی مشکلات کا ذکر کرتے ہوئے نورا فتیحی کیلئے خاص الفاظ کہے تھے۔انہوں نے کہا کہ یارو ہماری حالت غیر ہوچکی ہے، ہم گیت پایل کی ویڈیو ریکارڈ کر رہے ہیں اور میں اس موقع پر نورا فتیحی کی بے انتہا عزت کرنے پر مجبور ہوگیا ہوں۔ہنی سنگھ نے کہا کہ آج مجھے معلوم چلا کہ وہ کیوں اس مقام پر پہنچی ہیں، جارجیا میں اس وقت باہر منفی 3 سیلسیز درجہ حرارت ہے لیکن نورا فتیحی اس میں بھی ڈانس کر رہی ہیں، انکے ساتھ دیگر ڈانسرز کو بھی ڈانس کرنا تھا جن کو یورپ سے بلوایا گیا تھا انہوں نے اتنی سردی میں ڈانس کرنے سے منع کردیا ہے لیکن نورا فتیحی نے ہار نہیں مانی ہے۔انہوں نے مزید کہا کہ 'ہم سب جم رہے ہیں، لیکن نورا کی ہمت قابلِ تعریف ہے اور وہ کل بھی اس گانے کیلئے ریکارڈنگ کروانے کو تیار ہیں۔

کریڈٹ: انڈیپنڈنٹ نیوز پاکستان-آئی این پی