معروف پاکستانی ماڈل و اداکارہ نادیہ حسین نے اپنے گھر میں ہوئی چوری کی بڑی واردات کا تہلکہ خیز انکشاف کردیا۔حال ہی میں نادیہ حسین ندا یاسر کے مارننگ شو میں نظر آئیں جہاں انہوں نے کئی اہم پہلو پر گفتگو کرنے کے ساتھ اپنے گھر میں ہونے والی ایک خوفناک چوری کا واقعہ بھی سنادیا۔نادیہ حسین نے بتایا کہ،جب ہم امریکہ میں تھے تو ہمارے گھر میں چوری ہوگئی تھی ، حالانکہ ہم نے اپنے گھر کے تمام دروازے اور کمرے اچھی طرح سے بند کر لیے تھے، مگر ہم ایک دروازہ نہیں بند کر پائے جو ہمارے کمرے کی بالکنی میں کھلتا ہے۔انہوں نے مزید بتایا کہ،بس پھر کیا تھا چوروں نے اسی دروازے کو استعمال کرتے ہوئے ساری چیزیں چرا لیں، یہاں تک کہ میرے آرٹیفیشل زیورات بھی اپنے ساتھ لے گئے کوئی ایک چیز باقی نہیں چھوڑی۔

کریڈٹ : انڈیپنڈنٹ نیوز پاکستان-آئی این پی