بالی ووڈ کے سینئر اداکار متھن چکرورتی کو ان کے فلمی کیرئیر کے 48 سال گزارنے کے بعد بھارتی سنیما کے سب سے بڑیدادا صاحب پھالکے ایوارڈ سے نوازے جانے کا اعلان کیا گیا ہے۔بھارت کے وزیر اطلاعات و نشریات ایشونی وشنو نے ایکس پر متھن چکرورتی کو دادا صاحب پھالکے ایوارڈ سے نوازے جانے کی خبر شیئر کی۔انہوں نے اپنی ٹوئٹ میں مزید لکھا کہ متھن کو 8 اکتوبر کو 70 ویں نیشنل فلم ایوارڈز کی تقریب میں اس ایوارڈ سے نوازا جائے گا ۔دوسری جانب اس حوالے سے بھارتی میڈیا سے گفتگو کرتے ہوئے متھن چکرورتی کا کہنا تھا کہ میرے پاس ایسے الفاظ نہیں جو بیان کرسکیں کہ میں کیسا محسوس کر رہا ہوں، نہ میں ہنس سکتا ہوں اور نہ رو سکتا ہوں، میں کولکتہ کی گلیوں سے آیا ہوں، سوچ نہیں سکتا تھا کہ ایسی جگہ کا لڑکا اس طرح کے ایواڈ سے نوازا جائیگا، بے حد خوش ہوں اس ایوارڈ کو اپنی فیملی اور اپنے مداحوں کینام کرتا ہوں۔

کریڈٹ: انڈیپنڈنٹ نیوز پاکستان-آئی این پی