اداکارہ مریم نفیس نے غیر ملکی شہریت کے لیے بچے کو بیرون ملک جنم دینے کے طعنے دینے والے افراد کو جواب دیتے ہوئے کہا ہے کہ اس میں کوئی خرابی یا برائی نہیں۔ مریم نفیس نے حال ہی میں بے بی بمپ کے ساتھ برطانوی دارالحکومت لندن سے ویڈیو شیئر کی تو سوشل میڈیا صارفین نے انہیں آڑے ہاتھوں لیا۔ بعض مداحوں نے انہیں طعنے بھی دیے کہ وہ بچے کو غیر ملکی شہریت دلانے کے لیے بیرون ملک بچہ پیدا کرنے جا رہی ہیں۔اداکارہ نے طعنے دینے والے صارفین کے میسیجز کے اسکرین شاٹ شیئر کرتے ہوئے انسٹاگرام اسٹوری میں واضح کیا کہ بچے کی پیدائش کہیں بھی ہو، اسے اس کے والد کی وجہ سے غیر ملکی شہریت مل جاتی ہے۔مریم نفیس نے لکھا کہ اس بات سے کوئی فرق نہیں پڑتا کہ بیٹی یا بیٹا کہاں پیدا ہوئے، اگر ان کا والد کسی بھی دوسرے ملک کا شہری ہوگا تو بچے کو از خود شہریت مل جائے گی۔اداکارہ نے مزید لکھا کہ اس بات میں کوئی برائی یا خرابی بھی نہیں ہے کہ کوئی کہاں بچے کو جنم دینا چاہتا ہے۔ مریم نفیس نے تنقید کرنے والے صارفین کو خاموش رہنے اور خاموشی سے بیٹھ جانے کی تلقین بھی کی۔

کریڈٹ: انڈیپنڈنٹ نیوز پاکستان-آئی این پی