امریکی اداکار میتھیو پیری کے انتقال کو آج ایک برس مکمل ہوگیا۔اس موقع پر ان کی ساتھی اداکارہ جینیفر اینسٹن نے میتھیو پیری کے ساتھ گزرے یادگار دنوں کی نایاب تصاویر سوشل میڈیا پر شیئر کردیں۔جینفر اینسٹن کی جانب سے شیئر کی گئی یہ تمام تصاویر فرینڈزکے سیٹ پر ہی لی گئی تھیں جن میں میتھیو پیری کا ساتھی اداکاروں کے ساتھ جذباتی تعلق نمایاں نظر آرہا ہے۔فرینڈزکے آفیشل انسٹاگرام پیج سے بھی آنجہانیِ اداکار کو خراج عقیدت پیش کیا گیا۔یاد رہے کہ آج سے ٹھیک ایک برس قبل میتھیو پیری اپنے گھر پر واش روم کے باتھ ٹب میں مردہ حالت میں پائے گئے تھے۔

کریڈٹ: انڈیپنڈنٹ نیوز پاکستان-آئی این پی