اداکارہ صحیفہ جبار نے انسٹا گرام پر نئی تصویر شیئر کر کے مداحوں کو غلط فہمی میں مبتلا کر دیا۔اداکارہ نے فوٹو اینڈ ویڈیو شیئرنگ پلیٹ فارم انسٹاگرام پر گلابی لباس میں ملبوس اور ہلکے سبز اسکارف کے ساتھ بغیر کسی کیپشن کے ایک تصویر پوسٹ کی ہے۔مذکورہ تصویر میں اداکارہ کا بے بی بمپ دکھائی دے رہا تھا جس نے ہر ایک کی توجہ سمیٹ لی۔مذکورہ پوسٹ کے کمنٹس میں تبصرہ کرتے ہوئے مداحوں کے ساتھ ساتھ ساتھی فنکاروں نے بھی صحیفہ جبار کو متوقع بچے کی آمد کی خوشی میں مبارک باد اور ان کے لیے نیک خواہشات کا اظہار کیا ہے۔بعد ازاں اداکارہ نے انسٹا اسٹوری شیئر کرتے ہوئے مذکورہ مبہم پوسٹ کی واضح دی اور بتایا کہ وہ حاملہ نہیں ہیں بلکہ انسٹا گرام پر پوسٹ کی گئی تصاویر شوٹ کے دوران لی گئی تھیں۔صحیفہ جبار نے مختصر ویڈیو میں کہا کہ میرے انسٹاگرام پر پیغامات کی بھر مار ہو گئی ہے، جسے میں انجوائے کر رہی ہوں۔اس کے بعد اداکارہ نے مذکورہ انسٹا پوسٹ کے کمنٹس میں تبصرہ کرتے ہوئے مزید لکھا کہ مجھے لگا کہ میرا یہ لک، اسکارف بہت واضح انداز میں سب کچھ بتا رہا ہو گا۔

کریڈٹ: انڈیپنڈنٹ نیوز پاکستان-آئی این پی