بالی ووڈ کی سینئر اداکارہ ڈمپل کپاڈیا نے اپنی بیٹی ٹوئنکل کھنہ کے ساتھ تصویر کھینچوانے سے منع کر کے سب کو حیران کردیا۔ٹوئنکل کھنا اور ڈمپل کپاڈیا گزشتہ روز ممبئی میں اپنی فلم گو نونی گو کی اسکریننگ میں شرکت کی۔گو نونی گو کی پروڈیوسر ٹوئنکل کھنہ ہیں جبکہ اس فلم میں ڈمپل کپاڈیا، مانو کول اور آتھیا شیٹی کو بھی کاسٹ کیا گیا ہے۔ ایونٹ کے اختتام پر ڈمپل کپاڈیا سے پاپارازی نے ٹوئنکل کھنہ کے ساتھ تصویر کی فرمائش کی لیکن وہ حیران کن جواب دے کر وہاں سے چل پڑیں۔وائرل ویڈیو میں دیکھا جاسکتا ہے کہ ڈمپل مسکراتے ہوئے پاپارازی کے سامنے کھڑے پوز دے رہی تھیں لیکن پھر پاپارازی کی فرمائش سن کر ڈمپل کپاڈیا نے الجھن کا اظہار کیا اور کہا کہ میں جونیئرز کے ساتھ تصویر نہیں بنواتی، صرف سینئر کے ساتھ بنواتی ہوں۔ڈمپل کپاڈیا کا یہ عمل سب کی توجہ کا مرکز بن گیا ۔

کریڈٹ: انڈیپنڈنٹ نیوز پاکستان-آئی این پی