بالی ووڈ کی سپر سٹار اداکارہ عالیہ بھٹ کے ساتھ ایک حالیہ ایونٹ پر مداح نے بدتمیزی کرنے کی کوشش کی ہے جس کی ویڈیو سوشل میڈیا پر وائرل ہو رہی ہے۔عالیہ بھٹ اپنے شوہر رنبیر کپور کے ہمراہ ہدایتکار سنجے لیلا بھنسالی کی سالگرہ کی تقریب پر پہنچیں جہاں انہیں پاپرازی اور مداحوں نے گھیر لیا۔اس ہی دوران ایک خاتون مداح عالیہ بھٹ کے قریب آئی اور ان کا ہاتھ پکڑ کر انہیں اپنی جانب کھینچنے کر ان کے ساتھ سیلفی لینے کی کوشش کی۔ جس پر فوری ردعمل دیتے ہوئے رنبیر عالیہ کے پاس آئے اور انہیں اپنی طرف کرتے ہوئے مداح سے اپنی اہلیہ کا ہاتھ چھڑوایا۔رنبیر کپور کی اہلیہ کو اس دیوانی مداح سے بچانے کی کوشش کی ویڈیو سوشل میڈیا پر گردش کر رہی ہے جس پر صارفین دلچسپ ردعمل دے رہے ہیں۔صارفین کا کہنا ہے کہ عالیہ سپر اسٹار ہے تاہم وہ پبلک پراپرٹی نہیں ہے مداح کو ان کے ساتھ اس طرح پیش نہیں آنا چاہیئے تھا۔ ایک صارف نے لکھا کہ لوگوں میں کوئی تمیز نہیں ہے۔ مداحوں نے رنبیر کپور کے ردعمل کو بھی سراہا جس سے متعلق ایک صارف نے لکھا، رنبیر نے شوہر ہونے کا حق ادا کر دیا۔

کریڈٹ: انڈیپنڈنٹ نیوز پاکستان-آئی این پی