بھارت کے مشہور فلم ساز ایس ایس راجامولی پر ان کے قریبی دوست سری نواس رائو نے تشدد اور ہراساں کرنے کے سنگین الزامات عائد کرتے ہوئے پولیس سے مدد کی اپیل کی ہے۔بھارتی میڈیا کے مطابق سری نواس نے ایک ویڈیو اور خط کے ذریعے اپنی کہانی شیئر کی ہے۔سری نواس کا کہنا تھا کہ وہ راجامولی کے 34 سال پرانے دوست ہیں، لیکن جب دونوں نے ایک ہی شخص کیلئے جذبات محسوس کیے، تو ان کی دوستی خطرے میں پڑگئی۔سری نواس نے کہا، مجھے خودکشی کے سوا کوئی چارہ نہیں رہا۔ راجامولی ہی کی وجہ سے میں 55 سال کی عمر میں بھی کنوارا ہوں۔انہوں نے بتایا کہ انہوں نے دوستی کی خاطر اس رشتے کو آگے بڑھانے سے انکار کردیا، لیکن بعد میں راجامولی نے ان کے خلاف ہوکر ان کی زندگی اجیرن کردی۔ سری نواس را نے کہا، ہم نے یامادونگا فلم تک ساتھ کام کیا، لیکن ایک عورت کی وجہ سے انہوں نے میرا کیریئر تباہ کردیا۔میں اب 55 سال کا ہوں اور اس ہراسانی کو مزید برداشت نہیں کر سکتا۔انہوں نے یہاں تک کہا کہ راجامولی نے انڈسٹری میں اپنے حریفوں کو ختم کرنے کیلئے کالے جادو تک کا سہارا لیا ہے۔ سری نواس را نے کہا کہ میں پولیس اہلکاروں سے درخواست کرتا ہوں کہ وہ اس معاملے کی تحقیقات کریں اور مجھے انصاف دلائیں۔

کریڈٹ: انڈیپنڈنٹ نیوز پاکستان-آئی این پی