معروف کامیڈین نسیم وکی نے انکشاف کیا ہے کہ وہ کامیڈی شو میں بالی وڈ سپر اسٹار سلمان خان کے سامنے اپنی لائنز بھول گئے تھے۔حال ہی میں کامیڈین نے ایک نجی ٹی وی کے شو میں شرکت کی جہاں انہوں نے اپنے کیرئیر کے حوالے سے دلچسپ گفتگو کی۔پروگرام میں شریک حاضرین کے سوال کا جواب دیتے ہوئے انہوں نے بتایا کہ بھارت میں کامیڈی نائیٹ بچا کرنے کیلئے گیا ہوا تھا، شو میں گلوکار میکا سنگھ اور سلمان خان سمیت دیگر مشہور شخصیات بیٹھی ہوئی تھیں تو مجھے ان کا مذاق بنانا تھا۔نسیم وکی نے کہا کہ انہی دنوں میری والدہ کا انتقال ہوا تھا، اسکرپٹ یاد کرتا اور بھول جاتا، یہ ہی میرے ساتھ اسٹیج پر بھی ہوا، مجھے سلمان خان کے ساتھ مذاق کرنا تھا لیکن میں ٹرامہ میں تھا اس لیے اپنی لائنز بھول گیا۔انہوں نے مزید کہا کہ ٹرانسفارمر پھٹنے کی وجہ سے شو کی لائٹ چلی گئی اور اللہ نے میری عزت بچالی، یہ کیرئیر میں پہلی بار ہوا تھا کہ میں اپنی لائنز بھول گیا تھا۔

کریڈٹ: انڈیپنڈنٹ نیوز پاکستان-آئی این پی