بالی ووڈ اداکار گووندا اور ان کے بھانجے کرشنا ابھیشیک کے درمیان سات سال بعد صلح ہوگئی ۔ بھارتی میڈیا کو ایک انٹرویو میں کرشنا نے تصدیق کی کہ آخرکار ہم نے تمام گلے شکوے دور کرلیے ہیں اور آگے بڑھ گئے ہیں۔کرشنا نے بتایا کہ گووندا کی بیٹی ٹینا آہوجا سے ملاقات ان کیلئے جذباتی تھی اور انہوں نے گلے لگا کر اپنی خوشی کا اظہار کیا۔ ملاقات کے بارے میں بات کرتے ہوئے انہوں نے کہا، ہم نے ہنسی مذاق کیا اور پرانی یادیں تازہ کیں۔ ایسا لگا جیسے پہلے کی طرح سب کچھ ٹھیک ہوگیا ہو۔انہوں نے کہا کہ ان تمام برسوں کی یادیں جو میں نے ماموں اور مامی کے ساتھ گزارے تھے، میرے ذہن میں آ گئیں۔ میں نے ماموں سے کہا کہ حال تو بالکل بدل گیا ہے، اب سب مسائل حل ہو چکے ہیں اور تمام گلے شکوے ختم ہو گئے ہیں۔ واضح رہے گووندا کے زخمی ہونے کے بعد کرشنا کی بیوی کشمیرا شاہ نے اسپتال میں گووندا کی عیادت کی تھی جبکہ کرشنا آسٹریلیا کے دورے پر ہونے کی وجہ سے ملاقات نہ کر سکے تھے۔ کرشنا بھارت واپسی کے بعد اپنے ماموں کے گھر گئے تھے۔

کریڈٹ: انڈیپنڈنٹ نیوز پاکستان-آئی این پی