بالی ووڈ کی معروف اداکارہ کرینہ کپور نے اپنے فلمی کیریئر کے 25 ویں سال میں بھارتی سنیما کی ایک سب سے بڑی فلم سائن کر لی ہے۔مارچ 2024 میں ریلیز ہونے والی فلم کریو کی کامیابی کے بعد کرینہ اب ایک نئے اور بڑے پروجیکٹ کا حصہ بننے جا رہی ہیں۔رپورٹ کے مطابق، کرینہ کو پچھلے نو مہینوں میں کئی بڑے پین انڈیا پروجیکٹس کی پیشکش کی گئی تھی لیکن انہوں نے ایک ایسے پروجیکٹ کو ہاں کہا ہے جسے آنے والے دو سالوں کی سب سے بڑی فلموں میں شمار کیا جا رہا ہے۔ذرائع کے مطابق یہ ایک ایسا کردار ہے جو انہوں نے پہلے کبھی نہیں کیا، یہ فلم ایک معروف اور کامیاب ہدایتکار کی ہے اور کرینہ نے اس کی کہانی سن کر فوری طور پر ہاں کر دی۔فلم کی شوٹنگ جنوری 2025 میں شروع ہوگی اور اداکارہ نے پورا سال اس پروجیکٹ کے لیے وقف کرنے کا فیصلہ کیا ہے جبکہ فلم کی ریلیز 2026 میں متوقع ہے۔

کریڈٹ: انڈیپنڈنٹ نیوز پاکستان-آئی این پی