معروف اداکارہ و گلوکارہ حرا مانی نے شوبز انڈسٹری کو محض ایک دھوکا اور جھوٹ قرار دے دیا۔حال ہی میں ایک پوڈ کاسٹ انٹرویو میں اداکارہ نے دیگر پہلو پر تفصیلی گفتگو کرنے کے ساتھ شوبز انڈسٹری کوجعلی قرار دے دیا۔حرا مانی کے مطابق شوبز انڈسٹری میں سب کچھ دکھاوے پر مبنی ہے۔ یہاں حقیقت بہت کم ہوتی ہے اور زیادہ تر لوگ صرف جھوٹ اور بناوٹ کا سہارا لیتے ہیں۔ انہوں نے انڈسٹری میں موجود غیر حقیقی رویوں پر تنقید کرتے ہوئے کہا کہ یہاں لوگ ایک دوسرے کو دھوکہ دینے سے بھی نہیں ہچکچاتے اور اکثر وہ نہیں ہوتے جو نظر آتے ہیں۔اداکارہ کا کہنا تھا کہ انہیں واقعی زندگی کے بڑے پہلو کو دکھانا پڑتا ہے اور وہ اس چمک کو دنیا کو پیش کرتے ہیں کیونکہ انہیں اس جعلی دنیا کو ناظرین کے سامنے پیش کرنے کے لیے تنخواہ ملتی ہے، لیکن حقیقت میں کچھ بھی حقیقی نہیں ہوتا۔اداکارہ نے یہ بھی بتایا کہ انہیں کیمرے سے بے حد محبت ہے اور کیمرہ بھی شاید ان سے محبت کرتا ہے اور انہیں اسکرینز پر دکھانا چاہتا ہے۔

کریڈٹ: انڈیپنڈنٹ نیوز پاکستان-آئی این پی