پاکستانی فلم انڈسٹری کے معروف ہدایت کار سید نور نے کہ اہے کہ شوبز میں خوبصورت اداکارائوں کو کامیابی حاصل کرنے میں زیادہ آسانی ہوتی ہے۔ ایک ٹی وی پروگرام میںجب ان سے سوال کیا گیا کہ شوبز میں اداکاروں کی شکل و صورت کتنی اہم ہوتی ہے تو سید نور نے ایک منفرد نقطہ نظر پیش کیا۔ان کا کہنا ہے کہ ایک ہیرو صرف اپنی اچھی شکل و صورت کی بنیاد پر کامیاب اداکار نہیں بن سکتا۔انہوں نے وضاحت کرتے ہوئے کہا کہ دنیا کے بہترین اداکار زیادہ خوبصورت نہیں تھے بلکہ انہوں نے اپنی اداکاری کی مہارت پر توجہ دی اور اسی وجہ سے کامیاب ہوئے۔اس موقع پر جب خواتین اداکارائوں کی بات آئی تو سید نور کی رائے کچھ مختلف تھی۔انہوں نے کہا کہ اگر کسی خاتون اداکارہ کی خوبصورتی نمایاں ہو، تو اسے کامیابی حاصل کرنے میں زیادہ آسانی ہوتی ہے کیونکہ ناظرین ایسی اداکارائوں کو زیادہ پسند کرتے ہیں۔ سید نور نے یہ بھی کہا کہ عوام کی نظر میں ایک حسین اداکارہ کی موجودگی اس کے مقبول ہونے کے امکانات کو بڑھا دیتی ہے۔

کریڈٹ: انڈیپنڈنٹ نیوز پاکستان-آئی این پی