پاکستانی اسٹار جوڑی کبری خان اور مرزا گوہر رشید پری ویڈنگ ایونٹس کراچی میں منانے کے بعد نکاح کیلئے سعودی عرب پہنچنے کی خبریں گردش کرنے لگیں۔شادی کی تقریبات کا آغاز ڈھولکی سے ہوا جو انکی سہیلی و اداکارہ مومل شیخ نے اپنے گھر میں منعقد کی اور اس تقریب میں علی رحمان، علی سفینہ، حرا ترین، عمر عالم، وجاہت رف، شازیہ وجاہت، اشنا شاہ و دیگر نے بڑھ چڑھ کر حصہ لیا۔ شادی کے بعد اسٹار جوڑی ان افواہوں کو سچ کرتی نظر آرہی ہے جو انکے نکاح کے حوالے سے زیرِ گردش تھیں کہ دونوں کا نکاح سعودی عرب کے شہر مکہ میں ہوگا۔اگرچہ کبری خان اور گوہر رشید کی جانب سے اس حوالے سے کوئی اپ ڈیٹ نہیں دی گئی لیکن مومل شیخ نے فوٹو اینڈ ویڈیو شیئرنگ ایپ انسٹاگرام پر چند اسٹوریز شیئر کی ہیں جو انکی مکہ مکرمہ میں موجودگی کا ثبوت ہیں۔مومل شیخ کی جانب سے شیئر کی گئی ایک اسٹوری میں انکا اور انکے شوہر نادر نواز کے پاسپورٹ اور ٹریولنگ ٹکٹ رکھے دیکھے جاسکتے ہیں۔مومل شیخ کا پاسپورٹ پاکستانی اور انکے شوہر کا پاسپورٹ برطانیہ کا ہے جبکہ ان پاسپورٹس کے اوپر ایک 35 دانوں والی تسبیح رکھی ہے۔دوسری اسٹوری میں مومل شیخ نے خانہ کعبہ کے سامنے تعمیر بلند و بالا عمارت کلاک ٹاور کی تصویر شیئر کی جو انکے مکہ پہنچ جانے کی تصدیق کرگیا۔

کریڈٹ: انڈیپنڈنٹ نیوز پاکستان-آئی این پی