نیٹ فلکس کی سنسنی خیز فلم دو پتی کا ٹریلر ریلیز کردیا گیا جس میں کاجول پہلی بار ایک پولیس انسپکٹر کے کردار میں نظر آئیں گی۔فلم میں کیرتی سینن نے ایک منفرد ڈبل رول ادا کیا ہے جس میں وہ جڑواں بہنوں ساومیا اور شیلی کا کردار نبھا رہی ہیں۔ کیرتی سینن نے فلم کے بارے میں کہا، دو پتی میرے لیے بہت خاص ہے کیونکہ یہ میری پہلی فلم ہے جس میں میں نے بطور پروڈیوسر کام کیا ہے۔ اس فلم میں مجھے اپنے دوہری کردار ادا کرنے کا موقع ملا جو بہت دلچسپ تجربہ رہا۔کاجول نے اپنے نئے کردار کے حوالے سے کہا، بطور اداکارہ میں ہمیشہ ایسے کرداروں کی تلاش میں رہتی ہوں جن سے میری اپنے ناظرین سے جڑت بن سکے۔ پہلی بار پولیس انسپکٹر بن کر کام کرنا ایک نیا اور دلچسپ تجربہ تھا۔دو پتی 25 اکتوبر کو نیٹ فلکس پر ریلیز ہوگی، جس میں تنوی ظمی، برجندر کالرا، ویوک مشران سمیت دیگر معروف اداکار بھی شامل ہیں۔

کریڈٹ: انڈیپنڈنٹ نیوز پاکستان-آئی این پی