معروف اداکار و گلوکار آغا علی نے دوسری شادی کے حوالے سے لب کشائی کر تے ہوئے کہاکہ جب اللہ کو منظور ہو گا تب دوسری شادی کر لوں گا۔آغا علی نے حال ہی میں نجی چینل کے پروگرام میں شرکت کی، جہاں انہوں نے مختلف امور پر بات کرتے ہوئے دوسری شادی کا عندیہ بھی دے دیا۔پروگرام میں شریک ایک خاتون نے ان سے سوال کیا کہا کہ آپ کی طلاق ہو گئی ہے تو کیا اب آپ دوباہ شادی کریں گے جس پر آغا علی نے کہا کہ ابھی زخم بہت گہرا ہے، ایسا لوگوں کو لگتا ہے لیکن ایسا ہے نہیں، فی الحال اس بارے میں سوچا نہیں ہے لیکن سوچنے سے کیا ہوتا ہے، میں نے تو طلاق کے حوالے سے بھی نہیں سوچا تھا لیکن ہو گئی، ہوتا وہی ہے جو اللہ کو منظور ہو۔آغا علی نے کہا کہ جب اللہ کو منظور ہو گا تب دوسری شادی بھی کر لوں گا۔انہوں نے کہا کہ آج کے دور میں کسی کو بھی اس بات سے فرق نہیں پڑتا کہ کون کیسا دکھائی دیتا ہے، اگر کسی چیز کی اہمیت ہے تو وہ کامیابی ہے، آپ کی اچھی و پرکشش شخصیت کی کامیابی کے بغیر کوئی اہمیت نہیں ہے۔

کریڈٹ: انڈیپنڈنٹ نیوز پاکستان-آئی این پی