اداکار اور اسکرین پلے رائٹر یاسر حسین فوٹو اینڈ ویڈیو شیئرنگ ایپ انسٹاگرام پر اپنے چٹکلے چھوڑنے کی عادت کے حوالے سے جانے جاتے ہیں جو کبھی ان کے پریشانی کا سبب بھی بن جاتی ہے۔حالیہ دنوں یاس حسین کی ماڈل و اداکارہ سونیا حسین کے ساتھ انسٹاگرام اسٹوریز پر چلنے والی نوک جھوک خوب وائرل ہے۔کچھ دنوں پہلے یاسر حسین نے اپنی سرخ رنگ کے اجرک کی پرنٹ کی شرٹ اور اس کے ساتھ وائٹ کلر کا ڈھیلا ڈھالا ٹراوزر پہن کر ایک تصویر پوسٹ کی تھی۔جس پر سونا حسین نے انہیں لفظ باجی سے مخاطب کرتے ہوئے کہا تھا کہ کیا وہ ان کا لباس لے سکتی ہیں۔جس کے جواب میں یاسر حسین نے سونیا حسین پر بھبتی کسی کہ تم کب سے اتنے زیادہ کپڑے پہننے لگیں۔یاسر حسین کے جواب میں سونیا حسین نے چپ رہنے پر ہی اکتفا کیا اور غصے کے ایموجی بنا کر جذبات کا اظہار کیا۔

کریڈٹ: انڈیپنڈنٹ نیوز پاکستان-آئی این پی