معروف فلم ساز ابو علیحہ نے کہا ہے کہ اگر گوہر رشید بھارت میں ہوتے تو وہ اس وقت کے سب سے مقبول بولی وڈ اداکار ہوتے، یہاں ان کی قدر نہیں کی جا رہی، وہ انڈر ریٹڈ اداکار ہیں ۔ ایک انٹرویو میں انہوں نے ماہرہ خان کی اسکرپٹ سینس کی تعریفیں کیں اور کہا وہ اداکارہ کا اسکرپٹ سینس دیکھ کر حیران رہ گئے تھے۔ابو علیحہ کا کہنا تھا کہ ان کی خواہش ہے کہ وہ صبا قمر، اقرا عزیز اور نعمان اعجاز کے ہمراہ کام کریں اور ان کی کوشش ہے کہ وہ جلد ان میں سے کسی ایک اداکار کے ساتھ کام کریں۔ایک اور سوال کے جواب میں انہوں نے کہا کہ فیصل قریشی جتنے بڑے اداکار ہیں، اتنے ہی وقت کے پابند ہیں، انہیں جو وقت شوٹنگ کے لیے دیا جاتا ہے، وہ اس سے چند منٹ پہلے ہی سیٹ پر موجود ہوتے ہیں۔ابو علیحہ نے ایک سوال کے جواب میں کہا کہ اگرچہ گوہر رشید مشکل اداکار ہیں لیکن انہیں ان کے ساتھ کام کرنے میں مزہ آتا ہے، وہ بہترین اداکار ہیں جو کردار میں ڈھل جانے کی صلاحیت رکھتے ہیں۔انہوں نے کہا کہ گوہر رشید انڈر ریٹڈ اداکار ہیں انہیں اتنی شہرت اور کام نہیں ملتا۔ان کا کہنا تھا کہ اگر گوہر رشید بھارت میں ہوتے تو وہ اس وقت وہاں کے سب سے معروف بولی وڈ اداکار ہوتے۔

کریڈٹ: انڈیپنڈنٹ نیوز پاکستان-آئی این پی