اداکار گوہر رشید نے اپنی شادی سے متعلق حالیہ سب سے زیادہ وائرل ہونے والی خبروں پر اپنی خاموشی توڑ دی۔اداکار جو آج کل وائرل ہیش ٹیگ میرے یار کی شادی کے لیے سرخیوں کی زینت بنے ہوئے ہیں اور مداحوں کا خیال ہے کہ گوہر رشید اور کبری خان جلد ہی شادی کے بندھن میں بندھنے والے ہیں۔حال ہی میں اداکار نے ایک بات چیت میں سب سے زیادہ وائرل ہونے والی خبروں کے بارے میں جلد ہی اس راز سے پردہ اٹھانے کا وعدہ کیا ہے کہ دولہا دلہن کون ہیں؟گوہر رشید نے ایک صحافی سے کی گئی گفتگو میں کہا کہ میں وعدہ کرتا ہوں کہ جلد ہی اس خبر کو ظاہر کروں گا۔ میں آپ کو بتائوں گا کہ کس کی شادی ہو رہی ہے اور میں آپ کو یقین دلاتا ہوں کہ یہ کوئی پبلسٹی سٹنٹ نہیں ہے بلکہ حقیقت میں شادی ہورہی ہے۔

کریڈٹ : انڈیپنڈنٹ نیوز پاکستان-آئی این پی