معروف گلوکار بلال سعید کی نئی البم سپر اسٹار دنیا بھر کے شائقین کیلئے ریلیز کردی گئی۔گلوکار کی تازہ ترین البم سپر اسٹار نے 12 سال میں پہلی فل لنتھ البم کے ساتھ نیا سنگ میل عبور کیا ہے۔ان کی البم میں پاکستانی اور بین الاقوامی آرٹسٹ شامل ہیں جن میں عاصم اظہر، طلحہ انجم، آئمہ بیگ، فتح اور ینگ دیسی شامل ہیں۔بلال کا کہنا ہے کہ میں نے یہ البم اپنے دل و جان سے تیاری کی ہے، ہر گانا میری زندگی کے سفر کا عکاس ہے جو میری جدوجہد کا امتحان اور میری اندر کی لچک دونوں کا امتزاج ہے۔ مجھے امید ہے کہ یہ سامعین کے دلوں کو چھوئے گا۔انکا کہنا تھا کہ ہم سب زندگی میں چیلنجز سے مقابلہ کر رہے ہیں لیکن یہ ہماری لچک ہے جو ہمیں آگے بڑھاتی رہتی ہے۔ یہی جذبہ میں نے سپر اسٹار میں اجاگر کیا ہے۔

کریڈٹ: انڈیپنڈنٹ نیوز پاکستان-آئی این پی