معروف اداکارہ و گلوکارہ حدیقہ کیانی کہا ہے کہ فن مزاحمت کی ایک شکل ہے' اپنی آواز کو ہمیشہ انصاف کیلئے بلند کریں۔فوٹو اینڈ ویڈیو شیئرنگ ایپ انسٹاگرام پر حدیقہ کیانی نے معروف فلسطینی گلوکار مروان عبدالحمید المعروف سینٹ لیونٹ کے شو میں شرکت کی پوسٹ شیئر کی جس میں انہیں فلسطینی رومال کوفیہ پہنے سینٹ لیونٹ کیساتھ دیکھا جاسکتا ہے ۔ساتھ ہی منسلک ویڈیو کلپ میں سینٹ لیونٹ اسٹیج پر پرفارم کرتے نظر آرہے ہیں جبکہ انکے پس منظر میں چند لوگ فلسطین کا جھنڈا تھامے جھوم رہے ہیں۔پوسٹ شیئر کرتے ہوئے حدیقہ کیانی نے کیپشن میں بتایا کہ، پچھلے ہفتے میں مجھے فلسطینی گلوکار سینٹ لیونٹ کے لاس اینجلس میں ہونے والے شو میں مدعو ہونے اور اس کی حمایت کرنے کا اعزاز حاصل ہوا۔گلوکارہ کا کہنا تھا کہ، یاد رکھیں کہ فن مزاحمت کی ایک شکل ہے، فلسطینی فنکاروں کی حمایت کریں یہ مت بھولیں کہ آپ کی آواز ہمیشہ انصاف اور سچائی کے لیے بلند رہے۔

کریڈٹ: انڈیپنڈنٹ نیوز پاکستان-آئی این پی