بالی ووڈ اداکارہ سونم کپور نے پاکستان کے سپر اسٹار فواد خان کے ساتھ اپنی فلم خوبصورت کی ریلیز کے 10 سال مکمل ہونے پر اسپیشل پوسٹ سوشل میڈیا کی زینت بناد ی۔فواد خان نے 2014 میں بالی وڈ فلم خوبصورت میں ڈیبیو دیا تھا جس میں ان کے ساتھ سونم کپور کو کاسٹ کیا گیا تھا اور دونوں کی جوڑی ایک ہی فلم سے سب کے دل جیت گئی۔19 ستمبر 2014کو سنیما گھروں کی زینت بننے والی فلم خوبصورت کی ریلیز کو 10 سال مکمل ہوچکے ہیں اور اسی خوشی میں صونم کپور نے فوٹو اینڈ ویڈیو شیئرنگ ایپ انسٹاگرام پر ایک پوسٹ شیئر کی۔پوسٹ میں فلم کا آفیشل ٹریلر شامل ہے جس میں فلم کے چند یادگار سینز دیکھے جاسکتے ہیں جن میں متعدد میں سونم اور فواد خان کی جادوئی کیمسٹری بھی نظر آئی۔پوسٹ کے کیپشن میں سونم کپور نے لکھا کہ مجھے ملی کا کردار نبھائے ہوئے 10 سال بیت گئے ہیں، اور میں آج بھی کئی وجوہات کی وجہ سے ملی ہی ہوں۔انہوں نے اپنی بہن و فلم کی پروڈیوسر رہیا کپور کو مینشن کرتے ہوئے لکھا کہ'اس شاندار فلم سے جڑی تمام یادوں کیلئے میں ہمیشہ شکرگزار رہوں گی۔

کریڈٹ: انڈیپنڈنٹ نیوز پاکستان-آئی این پی