معروف اداکارہ فاطمہ آفندی نے اپنے شوہر و اداکار کنور ارسلان کے ہمراہ عمرے کی سعادت حاصل کرلی۔حال ہی میں اداکارہ نے اپنے شوہر کے ہمراہ عمرے کی سعادت حاصل کی ہے جس کی روح پرور جھلکیاں انہوں نے اپنے انسٹاگرام اکائونٹ کی زینت بنائیں۔فوٹو اینڈ ویڈیو شیئرنگ ایپ انسٹاگرام پر جاری تصاویر میں یہ جوڑا حرم شریف کے باہر موجود ہے، اس خاص موقع پر فاطمہ آفندی سیاہ عبایا میں ملبوس ہیں جبکہ کنور ارسلان حالت احرام میں کیمرے کے سامنے پوز دیتے نظر آئے۔زندگی کے سب سے خاص اور خوبصورت لمحات کو کیمرے میں قید کرتے ہوئے کنور نے کیپشن میں لکھا کہ،الحمدللہ، 2024 میں عمرہ مکمل کیا واقعی ایک بابرکت سال۔ الفاظ میں اس احساس کو بیان نہیں کیا جا سکتا جب اللہ کے گھر بلایا جاتا ہے۔انہوں نے مزید لکھا کہ، اللہ تعالی سب کو اس خوبصورت سفر کا موقع عطا فرمائے۔ ساتھ ہی انہوں نے بتایا کہ یہ تصویر عمرہ کے بعد حرم کے باہر لی گئی ہے۔

کریڈٹ: انڈیپنڈنٹ نیوز پاکستان-آئی این پی