بالی ووڈ کی دلکش اداکارہ ترپتی دمری کی آئندہ دو ماہ کے دوران تین زبردست فلمیں سینما گھروں کی زینت بننے کے لیے تیار ہیں۔بھارتی میڈیا کے مطابق اداکارہ ترپتی دمری ایک بزی فلمی شیڈول کے ساتھ بالی وڈ کی خوبصورت اداکارہ کرینہ کپور اور دیپیکا پڈوکون جیسی ٹاپ اسٹارز کو پیچھے چھوڑنے کو تیار ہیں۔ ترپتی دمری کو ان کی فلم اینیمل میں نبھائے گئے بھابھی نمبر 2 کے کردار نے راتوں رات شہرت کی بلندیوں پر پہنچادیا تھا جس کے بعد اب اداکارہ فلم نگری میں تیزی سے کامیابیوں کی سیڑھیاں چڑھ رہی ہیں۔ناظرین میں بڑھتی ہوئی مقبولیت کے ساتھ اداکارہ ترپتی دمری اب بالی ووڈ پروڈیوسرز کی اولین پسند بن چکی ہیں جس کا ثبوت ہر دوسری فلم میں ان کی شمولیت سے واضح ہے۔ اگلے تین ماہ کے دوران اداکارہ کی تین فلمیں ریلیز ہونے والی ہیں یہ ایک ایسا کارنامہ جو بالی وڈ کی سرکردہ اداکارائیں کرینہ کپور اور دیپیکا پڈوکون بھی نہیں کر پائیں۔

کریڈٹ: انڈیپنڈنٹ نیوز پاکستان-آئی این پی