اسٹاراداکار دانش تیمور اور حبا بخاری کے ڈرامے جان نثارنے یوٹیوب کا میدان مارتے ہوئے نیا ریکارڈ بنالیا۔دانش تیمور اور حبا بخاری کو اسکرین پر یکجا کرنے والا ڈراما جان نثار ان دنوں خوب چرچوں میں ہے اور نہ صرف اس جوڑی کو بلکہ ڈرامے کی اتار چڑھا سے بھرپور کہانی کو بھی بے حد پسند کیا جارہا ہے۔ ڈرامے نے ٹی و ی اسکرینز کے علاوہ یوٹیوب پر بھی دھوم مچارکھی ہے اور ڈراما ٹرینڈ بھی کر رہا ہے جس نے فقط تین دنوں میں 21 ملین ویوز حاصل کیے۔ڈرامے کی 57 اقساط نشر کی جاچکی ہیں اور اسی دوران ڈرامے نے ایک اور ریکارڈ بناتے ہوئے یوٹیوب پر شاندار کامیابی کے ساتھ 2 بلین ویوز حاصل کرلیے ہیں۔اس خوشی کا اظہار کرتے ہوئے خود دانش تیمور نے فوٹو اینڈ ویڈیو شیئرنگ ایپ انسٹاگرام پر ایک ویڈیو شیئر کی۔پوسٹ کے کیپشن میں دانش تیمور نے لکھا صرف 135 دنوں میں یوٹیوب پر 2 بلین سے زائد ویوز جان نثار نے ایک نیا ریکارڈ بنا لیا ہے، وہ ڈراما جس نے سب سے زیادہ تیزرفتاری کے ساتھ 2 بلین ویوز حاصل کیے، اور اس فتح کی وجہ ہماری آڈینس ہے، آپ سب کی محبت کا شکریہ۔

کریڈٹ: انڈیپنڈنٹ نیوز پاکستان-آئی این پی