مقبول پاکستانی سوشل میڈیا سنسنیشن اور ڈیجیٹل کانٹینٹ کری ایٹر ہیں، گلوکار چاہت فتح علی خان بھارتی فلم ساز کرن جوہر کی فلم میں کام کرنے کے خواہشمند نکلے۔ گزشتہ دنوں چاہت فتح علی خان ایک بار پھر اپنے نئے مقبول گانے توبہ توبہ کے وجہ سے سرخیوں میں ہیں جس پربھارتی فلم ساز کرن جوہر نے گانے کو اپنے انسٹاگرام پر شیئر کرتے ہوئے مداحوں سے گانا ضرور دیکھنے کی ایپل کردی تھی۔حال ہی میں گلوکار چاہت فتح علی نے اپنے گانے کی تعریف کرنے پر معروف بھارتی پنجابی سنگر کرن اوجلا اور مایہ ناز فلم ڈائریکٹر کرن جوہر کا فوٹو اینڈ ویڈیو شیئرنگ ایپ انسٹاگرام پر ایک ویڈیو پیغام کے ذریعے شکریہ ادا کیا۔ انسٹاگرام پر جاری ویڈیو میں گلوکار چاہت فتح علی کا کہنا تھا کہ میرے گانے کی تعریف کرنے اور اسے پسند کرنے پر میں کرن جوہر کا شکر گزار ہوں۔ چاہت کا کہنا تھا کہ کرن جوہر کی جانب سے سراہے جانے کے بعد میں لگاتار تین راتوں سے سو نہیں سکا کیونکہ انہوں نے میرے کام کو دیکھا اور اس کی تعریف کی۔ان کا مزید کہنا تھا کہ کرن جوہر میری ایک خواہش ہے کہ میں آپ کی فلم میں کام کروں اور میں آپ کو بتانا چاپتا ہوں کہ میں آپ کی فلم میں بلامعاوضہ کام کروں گا۔انسٹاگرام پر اپلوڈ ہونے والی ویڈیو کے کمنٹ سیکشن میں مداحوں کا کہنا تھا کہ کانفیڈنس ہوتو چاہت جیسا ہو ورنہ نہ ہو۔

کریڈٹ: انڈیپنڈنٹ نیوز پاکستان-آئی این پی