سینئر اداکار بہروز سبزواری نے کہا ہے کہ ان کی بہو صدف کنول پورے خاندان کی آنکھ کا تارا ہے۔حال ہی میں بہروز سبزواری اور ان کی اہلیہ صفینہ بہروز سبزواری نے سما کے شو میں شرکت کی، جہاں انہوں نے کامیاب شادی شدہ زندگی اور بیٹے بہو کے ساتھ تعلقات کے حوالے سے کھل کر بات کی۔بہروز سبزواری نے اہلیہ کو اپنی خوش قسمتی قرار دیتے ہوئے کہا کہ اگر اہلیہ شوبز کو نہ سمجھتیں تو شاید ہم علیحدہ ہو چکے ہوتے۔سفینہ بہروز نے بتایا کہ شادی کے سال گزرنے کے ساتھ ہمارا رشتہ مزید مضبوط ہوتا چلا گیا۔ ایک سوال پر بہروز سبزواری کا کہنا تھا کہ صدف کنول اتنی اچھی لڑکی ہے کہ اس نے پورے خاندان کو سمیٹ لیا ہے۔انہوں نے کہا کہ بہو پورے خاندان کی آنکھ کا تارا ہے، جس نے چھوٹے بچے سے خاندان کے بزرگوں تک ہر ایک کا دل جیت لیا ہے۔

کریڈٹ: انڈیپنڈنٹ نیوز پاکستان-آئی این پی