بھارتی اسپر اسٹار یش نے تصدیق کر دی کہ وہ نیتیش تیواری کی فلم رامائن میں راون کا کردار ادا کریں گے۔ اس فلم میں رنبیر کپور کو رام اور سائی پلوی کو سیتا کے کردار میں دیکھا جائے گا۔ ایک انٹرویو میں یش نے ان افواہوں کی تردید کرتے ہوئے کہا کہ وہ اس کردار کو نبھانے کے لیے تیار ہیں۔انہوں نے مزید کہا کہ راون ہی وہ واحد کردار تھا جسے وہ اس فلم میں ادا کرنے کے لیے غور کر سکتے تھے۔اداکار نے کہا یہ ایک بہت ہی دلچسپ کردار ہے اور اگر مجھے رامائن میں کوئی دوسرا کردار ادا کرنے کا کہا جاتا تو میں شاید انکار کر دیتا۔ راون کے کردار میں بہت گہرائی اور نِینس موجود ہیں جنہیں ایک منفرد انداز میں پیش کیا جا سکتا ہے۔ مجھے اس کردار کی مختلف پہلوں کو سامنے لانے کا بہت شوق ہے۔فلم کی پروڈکشن پر کام زور و شور سے جاری ہے، اور فلم کی ریلیز 2025 میں متوقع ہے۔

کریڈٹ: انڈیپنڈنٹ نیوز پاکستان-آئی این پی