بھارتی اداکارہ نشرت بھروچا نے خود کو ایک پرتعیش کار کا تحفہ دیا ہے، جس کی مالیت دو کروڑ بھارتی روپے بتائی جاتی ہے۔ گزشتہ روز اداکارہ اپنی اس نئی اور چمچاتی سیاہ رنگ کی گاڑی کو ڈرائیو کرتی ہوئی ممبئی میں نظر آئیں۔ انھوں نے دیوالی کی اس تہوار کی آمد کا استقبال ایک شاندار نوٹ سے کیا ہے۔سوشل میڈیا پر ویڈیوز میں وہ گاڑی میں سیر کرتی اور اپنی والدہ کے ساتھ مندر جاتے نظر آئیں۔ ممبئی میں پیدا ہونے والی 39 سالہ نشرت بھروچا گزشتہ 22 برس سے ممبئی کی فلم نگری میں مصروف عمل ہیں اور انھوں نے زیادہ تر ہندی فلموں اور ٹیلیویژن ڈراموں میں کام کیا ہے۔

کریڈٹ: انڈیپنڈنٹ نیوز پاکستان-آئی این پی