بالی ووڈ کی اسٹار جوڑی عالیہ بھٹ اور رنبیر کپور کے کل اثاثوں اور قیمتی گاڑیوں کی تفصیلات سامنے آگئیں۔عالیہ بھٹ اور رنبیر کپور کا شمار بالی ووڈ کے امیر ترین اور سب سے زیادہ پسند کیے جانے والے جوڑوں میں ہوتا ہیاگرچہ عالیہ بھٹ اور رنبیر کپور کا خاندان گزشتہ کئی دہائیوں سے بالی ووڈ پر راج کررہا ہے لیکن اس کے باوجود دونوں اداکاروں نے اپنا کیریئر بنانے کے لیے محنت کی۔اس جوڑی کے مداح شاید ہی یہ راز جانتے ہوں گے کہ عالیہ اور رنبیر میں زیادہ امیر کون ہے، اس حوالے سے بھارتی میڈیا نے ایک رپورٹ شائع کی ہے۔بھارتی میڈیا کی جانب سے شائع کی گئی رپورٹ میں بتایا گیا ہے کہ رنبیر کپور اور عالیہ بھٹ کے مجموعی اثاثوں کی مالیت 885 کروڑ بھارتی روپے ہے۔رپورٹ کے مطابق عالیہ بھٹ کے کل اثاثوں کی مالیت 520 کروڑ بھارتی روپے ہے جبکہ رنبیر کپور کے اثاثوں کی مالیت 365 کروڑ بھارتی روپے ہے۔اس رپورٹ کے حساب سے عالیہ بھٹ اپنے شوہر سے زیادہ امیر ہیں، اداکارہ ممبئی میں کئی جائیدادوں کی مالک بھی ہیں۔عالیہ بھٹ اور رنبیر کپور کی دولت کی وجہ سے ان کی بیٹی راہا کپور بھی بالی ووڈ کے امیر ترین بچوں میں شامل ہوگئی ہیں۔

کریڈٹ: انڈیپنڈنٹ نیوز پاکستان-آئی این پی