بالی ووڈ اداکارہ اننیا پانڈے نے مشہور بھارتی کاروباری شخصیت مکیش امبانی کے چھوٹے بیٹے اننت امبانی کی شادی میں شرکت کے لیے بھارتی اداکاروں کو بھاری رقم ملنے سے متعلق گردش کرتی خبروں سے متعلق بات کی ہے۔اننیا پانڈے سے ایک حالیہ انٹرویو میں یہ سوال پوچھا گیا کہ کیا ان افواہوں میں کوئی صداقت ہے کہ اننت امبانی اور رادھیکا مرچنٹ کی شادی میں شرکت کے لیے بھارتی اداکاروں کو بھاری رقم ملی تھی؟انہوں نے اس سوال کا جواب دیتے ہوئے کہا کہ مجھے نہیں معلوم کہ لوگوں کو ایسا کیوں لگتا ہے کہ اگر ہم اداکاروں نے اننت امبانی اور رادھیکا مرچنٹ کی شادی پر پرفارم کیا تھا تو اس کے لیے ہم نے پیسے لیے۔اداکارہ نے بتایا کہ ان خبروں میں کوئی صداقت نہیں ہے، یہ سب محض افواہیں اور بے بنیاد خبریں ہیں۔انہوں نے کہا کہ اننت امبانی اور رادھیکا مرچنٹ میرے بہت اچھے دوست ہیں تو ظاہر سی بات ہے کہ میں اپنے دوستوں کی شادی پر ایسے ہی ڈانس کروں گی اور اس کے لیے پیسے کیوں لوں گی؟

کریڈٹ: انڈیپنڈنٹ نیوز پاکستان-آئی این پی