سینئر اداکارہ و میزبان نادیہ خان نے اداکارہ ہانیہ عامر کے بھارت میں کام کرنے پر اپنی رائے کا اظہار کیا ہے۔ ہانیہ جلد پنجابی فلم میں بین الاقوامی شہرت یافتہ اداکار و گلوکار دلجیت دوسانجھ اور اداکارہ سونم باجوہ کے ہمراہ نظر آئیں گی۔اداکارہ ہانیہ عامر کے بھارت میں کام کرنے پر نادیہ خان نے تبصرہ کرتے ہوئے کہا ہے کہ ہانیہ عامر بھارت میں پی آر کے ذریعے فلمیں کر کے اپنی وقت ضائع کر رہی ہیں، ہانیہ عامر کو بھارت میں محنت اور وقت ضائع کرنے کے بجائے پاکستان میں ہی رہ کر کام کرنا چاہیے جہاں انہیں بے حد پسند کیا جاتا ہے اور پاکستان ہی میں ان کے اصلی مداح موجود ہیں۔نادیہ خان کا کہنا ہے کہ آپ سب جانتے ہی ہیں کہ ماضی میں پاکستانی فنکاروں کے ساتھ بھارت میں کیا ہو چکا ہے، اب بھارت میں ہانیہ کی فلم مکمل ہونے سے قبل ہی اس پر پابندی لگانے جیسے مطالبے آنا شروع ہو گئے ہیں۔نادیہ خان نے یہ بھی کہا ہے کہ سجل علی بھی صرف ایک فلم کر کے واپس پاکستان آ گئی ہیں، میرا کہنا ہے کہ ہانیہ عامر بھی وہاں اتنا وقت نہ لگائیں تو اچھا ہے۔

کریڈٹ: انڈیپنڈنٹ نیوز پاکستان-آئی این پی