بالی ووڈ اسٹار اکشے کمار کی کامیڈی فلم کھیل کھیل میں کا ٹریلر ریلیز ہوتے ہی مداحوں کے دلوں پر اپنی دھاک بٹھانے میں کامیاب تو ہوا مگر اداکارہ شردھا کپور کی فلم استری 2 کی وجہ سے فلم باکس آفس پر اپنا جادو چلانے میں ناکام رہی۔کامیڈی کنگ اداکار اکشے کمار کی فلم کھیل کھیل میں اکشے کے ساتھ ساتھ اداکارہ وانی کپور، فردین خان، تاپسی پنو، ایمی ورک، آدتیہ سیل اور پرگیہ جیسوال اداکاری کے جوہر دکھاتی نظر آئیں۔کھیل کھیل میں ایک کامیڈی فلم ہے جس میں اکشے کمار اور وانی کپور نے مرکزی کردار ادا کیا ہے، فلم 15 اگست 2024 کو سینما گھروں میں ریلیز ہوئی تھی اور اسے سامعین کی جانب سے ملا جلا ردعمل ملا تھا۔تاہم اب فلم رواں ماہ اپنی او ٹی ٹی ریلیز کیلئے تیار ہے ۔بھارتی میڈیا پر جاری رپورٹس کے مطابق اکشے کمار کی فلم 'کھیل کھیل میں' کا پریمیئر 9 اکتوبر 2024 کو نیٹ فلکس پر ہوگا جس کے بعد مداح فلم کو گھر بیٹھے انجوائے کر سکیں گے۔

کریڈٹ: انڈیپنڈنٹ نیوز پاکستان-آئی این پی