اداکارہ ہانیہ عامر نے بھارتی پنجابی گلوکار دلجیت دوسانجھ کی محبت کا جواب محبت سے دے دیا۔عالمی شہرت یافتہ پنجابی سنگر دِلجیت دوسانجھ نے اپنے حالیہ لندن کے کنسرٹ میں ہزاروں شائقین موسیقی کی موجودگی میں ہانیہ کو سپر اسٹار کہہ کر اسٹیج پر بلایا، تو اس یادگار لمحے کی ویڈیو دنیا بھر میں وائرل ہوگئی۔ اب حال ہی میں فوٹو اینڈ ویڈیو شیئرنگ ایپ انسٹاگرام پر ہانیہ عامر نے پوسٹ شیئر کی جس میں دلجیت کے لندن کنسرٹ کی جھلکیاں موجود تھیں۔پوسٹ کے کیپشن میں اداکارہ نے بھارتی گلوکار کو ٹیگ کرتے ہوئے لکھا کہ کیا جادوئی رات تھی،محبت، عزت، اور روحانی تعلق یہ سب دل سے تھا۔ہانیہ عامر نے گلوکار دلجیت کو مخاطب کرتے ہوئے لکھا کہ،سر ایک ہی دل ہے، کتنی بار جیتو گے؟محبت اور صرف محبت' بہت سارے خوبصورت لوگوں سے ملنا ایک اعزاز تھا۔ واقعی یادگار لمحہ۔ آپ سب کی محبت اور گرمجوشی کے لیے شکریہ۔

کریڈٹ: انڈیپنڈنٹ نیوز پاکستان-آئی این پی