اداکارہ و ماڈل شازل شوکت نے کہا ہے کہ انہوں نے دو سال قبل شوق میں پہلی بار آئٹم سانگ میں پرفارمنس کرلی تھی لیکن اب وہ دوبارہ ایسا نہیں کریں گی۔ ایک انٹرویو میں اداکارہ نے بتایا کہ سوشل میڈیا پر منفی کمنٹس کی وجہ سے انہوں نے اپنے اکائونٹس پر تبصروں کے سیکشن کو بند کردیا ہے کیونکہ لوگ انتہائی فضول باتیں لکھتے تھے۔پروگرام کے دوران ایک سوال کے جواب میں شازل شوکت نے ایک بار پھر محبت ہوجانے کا اعتراف کیا اور کہا کہ انہیں جس طرح کے شخص کی تلاش تھی، ویسا ہی شخص انہیں مل چکا۔شازل شوکت نے پروگرام کے دوران یہ بھی بتایا کہ انہوں نے شوبز میں کسی طرح کی مشکلات کا سامنا نہیں کیا، ساتھی اداکاروں نے ان کے ساتھ تعاون کیا۔ ایک اور سوال کے جواب میں شازل شوکت نے بتایا کہ انہوں نے 2022 کی ایکشن فلم گھبرانا نہیں ہے میں شوق میں آئٹم سانگ میں پرفارمنس کی تھی لیکن اب دوبارہ وہ ایسا نہیں کریں گی۔

کریڈٹ: انڈیپنڈنٹ نیوز پاکستان-آئی این پی