بالی ووڈ کے معروف ہدایتکار دھرمیش درشن نے حالیہ گفتگو میں شاہ رخ خان کے ساتھ اپنے تعلقات اور ان کی پیشکشوں کے بارے میں انکشافات کیے ہیں۔ دھرمیش درشن نے بتایا کہ شاہ رخ خان نے انہیں دو بار فلموں کی پیشکش کی تھی، مگر انہوں نے اپنی اصولوں کے باعث قبول نہیں کیں۔ انہوں نے کہا، "2004 میں کریم مورانی ایک فلم بنانا چاہتے تھے جس میں شاہ رخ خان کو لینا تھا، مگر میں 'بیوفا' میں مصروف تھا۔ اسی طرح، شاہ رخ نے اپنی پروڈکشن کمپنی ریڈ چلیز کے تحت بھی ایک فلم کی پیشکش کی، مگر میں نے اصولی طور پر اسے رد کر دیا۔" دھرمیش درشن نے شاہ رخ خان کی تعریف کرتے ہوئے کہا، "وہ حقیقی اور عظیم فنکار ہیں اور اپنے ہر کامیابی کے مستحق ہیں۔ ایک سچے اسٹار ہونے کے ساتھ ساتھ ان میں کلاس اور سخاوت بھی ہے۔" انہوں نے مزید کہا کہ "جب بھی ہم ملتے ہیں، وہ ہمیشہ میرا احترام کرتے ہیں اور وہ کبھی ناراض نہیں ہوتے کہ میں ان کی پیشکش قبول نہیں کر پایا۔ یہ یقینا میرا نقصان ہے کہ میں ان کے ساتھ کام نہیں کر سکا۔"

کریڈٹ: انڈیپنڈنٹ نیوز پاکستان-آئی این پی