فلم و ٹی وی کی معروف اداکارہ مہوش حیات نے کہاہے کہ وہ اداکاری کے ساتھ موسیقی پر بھی توجہ دے رہی ہیں۔میڈیا سے خصوصی بات چیت کے دوران مہوش حیات کا کہنا تھا کہ اس سال میرے دو گانے ریلیز ہوں گے، ایک گانا بین الاقوامی شہرت یافتہ پاپ سنگر یویو ہنی سنگھ کے ساتھ بھی ہونے کو تیار ہے۔ انہوں نے کہا کہ میں اداکاری کے ساتھ موسیقی پر بھی توجہ دے رہی ہوں۔مہوش حیات نے کہا کہ کورونا کی وبا کے بعد پاکستان فلم انڈسٹری سنبھل نہیں سکی، کورونا کے بعد شوبزنس میں بہت تبدیلیاں رونما ہوئیں۔ او ٹی ٹی پلیٹ فارم آگیا۔ نیٹ فلکس پر گھر بیٹھے تفریحی ملنے لگی۔ انہوں نے کہا کہ اب ناظرین کا مزاج بالکل بدل گیا، رواں برس کچھ فلمیں بن رہی ہیں جو اسی سال ریلیز ہوں گی، میں نے بھی اپنی ایک فلم مکمل کرلی ہے۔جو عیدالاضحی پر ریلیز ہوگی۔

کریڈٹ: انڈیپنڈنٹ نیوز پاکستان-آئی این پی