معروف اداکار سعد قریشی نے مداحوں کو اپنی خوشی میں شامل کر لیا۔فوٹو اینڈ ویڈیو شیئرنگ پلیٹ فارم انسٹاگرام پر اداکار نے پوسٹ شیئر کرتے ہوئے مداحوں اور فالوورز کو خوش خبری سنائی ۔انہوں نے بتایا ہے کہ ان کے ہاں بیٹی کی پیدائش ہوئی ہے، اس کے ساتھ ہی انہوں نے بیٹی کے ساتھ تصویر بھی شیئر کی ہے۔سعد قریشی کی جانب سے شیئر کی گئی تصویر میں ان کی ننھی پری نے ان کے ہاتھ کی ایک انگلی پکڑی ہوئی ہے۔سوشل میڈیا پر شیئر کی گئی اس تصویر کے ساتھ انہوں نے خوبصورت کیپشن بھی لکھا ہے جس میں انہوں نے اپنی بیٹی کو اس دنیا میں خوش آمدید کہا ہے۔سوشل میڈیا بیٹی کی پیدائش کے اعلان کے بعد اداکار اور اہلِ خانہ کے لیے مداحوں اور ساتھی فنکاروں کی جانب سے مبارک باد اور نیک خواہشات کا اظہار کیا جارہا ہے۔

کریڈٹ: انڈیپنڈنٹ نیوز پاکستان-آئی این پی