بھارتی ڈرامہ انڈسٹری کے معروف اداکار ہیتن تیجوانی نے بھارت میں پاکستانی ڈراموں کی بڑھتی پسندیدگی سے متعلق بات کی ہے۔ اداکار نے حال ہی میں ایک سوشل میڈیا پلیٹ فارم کے لیے انٹرویو دیا ہے۔اداکار نے پاکستانی ڈراموں سے متعلق پوچھے گئے سوال کے جواب میں پاکستانی ڈراموں کی کھل کر تعریف کی۔انہوں نے کہا کہ بھارت میں پاکستانی ڈراموں کے ہٹ ہونے کے پیچھے چھپی سب سے بڑی وجہ مضبوط اور حقیقت سے قریب تر کہانیاں ہیں۔ انہوں نے انکشاف کیا کہ کئی بھارتی اداکار اکثر پاکستانی ڈراموں کی کامیابی کے پیچھے استعمال ہونے والے فارمولے پر بات کرتے ہیں اور اب تو بھارت نے بھی پاکستانی انداز میں ڈرامے بنانے شروع کر دیے ہیں۔ انہوں نے کہا کہ مجھے یقین ہے کہ بھارتی ناظرین کو پاکستانی ڈراموں کی کہانیاں زیادہ متاثر کرتی ہیں، میرے خیال میں ہمارے ناظرین پاکستانی ڈراموں کو زیادہ ترجیح دیتے ہیں کیونکہ وہ کافی حقیقت پسندانہ ہوتے ہیں۔انہوں نے یہ بھی کہا کہ مجھے یقین ہے کہ پاکستان میں لوگ ہمارے ڈراموں کو بھی پسند کرتے ہیں کیونکہ ہمارے ڈراموں میں تمام تر مسالے موجود ہوتے ہیں۔

کریڈٹ: انڈیپنڈنٹ نیوز پاکستان-آئی این پی