معروف ماڈل و اداکار عمر شہزاد بھی رشتہ ازدواج میں منسلک ہو گئے۔ گزشتہ روز فوٹو اینڈ ویڈیو شیئرنگ پلیٹ فارم انسٹاگرام پر اداکار عمر شہزاد نے بھی اپنی زندگی کے نئے سفر کے آغاز کا اعلان کیا۔ اداکار نے بھی حال ہی میں شادی کرنے والی فنکار جوڑی کبری خان اور گوہر رشید کی طرح حرم شریف کی تصاویر کے ساتھ احرام میں اپنے نکاح کا اعلان کیا ۔اداکار نے سوشل میڈیا پر بیت اللہ کے سامنے بنائی گئی تصاویر شیئر کی ہیں اور مداحوں کو خوش خبری سنائی۔انہوں نے سوشل میڈیا پر تصاویر شیئر کرتے ہوئے لکھا کہ مکہ مکرمہ کے بابرکت آسمان تلے ایک نئی شروعات، اللہ کرے کہ ہماری نئی زندگی اس کی رحمت، شفقت اور ایمان کے سائے میں پھولے پھلے۔واضح رہے کہ عمر شہزاد نے مذکورہ پوسٹ میں اہلیہ کی شناخت ظاہر نہیں کی ہے، جس سے اندازہ ہوتا ہے کہ ان کی اہلیہ کا تعلق شوبز انڈسٹری سے نہیں ہے۔

کریڈٹ: انڈیپنڈنٹ نیوز پاکستان-آئی این پی