معروف اداکار عثمان مختار شادی کے 3 سال بعد والد بن گئے، انہوں نے اہلیہ کے ہمراہ اپنے ہاں ننھی پری کو خوش آمدید کہا ہے۔عثمان مختار نے کچھ گھنٹوں قبل انسٹاگرام پر ایک پوسٹ شیئر کی ہے۔پوسٹ میں اداکار نے بیٹی اور اپنے ہاتھ کی تصویر شیئر کرتے ہوئے لکھا ہے کہ الحمدللہ بے حد خوشی، شکر گزاری اور مسرت کے ساتھ ہم اپنی بیٹی سیرا انعام مختار کی پیدائش کا اعلان کرتے ہیں۔عثمان مختار نے پوسٹ کے کیپشن میں بتایا ہے کہ ان کی بیٹی سیرا کا نام ایک پشتو لفظ ہے جس کا مطلب سایہ یا چھائوں ہے۔اداکار کا کہنا ہے کہ ہماری بیٹی نے اپنی پیدائش کے ابتدائی چند دنوں ہی میں ہماری زندگیوں کو لامحدود خوشیوں سے بھر دیا ہے، ہم اس خوبصورت نعمت کے لیے تہہ دل سے شکر گزار ہیں اور درخواست کرتے ہیں کہ ہر کوئی ہمارے بڑھتے ہوئے خاندان کو اپنی دعائوں میں یاد رکھے۔

کریڈٹ: انڈیپنڈنٹ نیوز پاکستان-آئی این پی