معروف اداکارہ عروہ حسین اور فرحان سعید کتنے بچوں کا ارادہ رکھتے ہیں؟ اداکارہ نے بتا دیا۔حالیہ انٹرویو میں عروہ حسین نے گفتگو کرتے ہوئے اعتراف کیا کہ اگرچہ میں ماں بننے کا ارادہ رکھتی تھی، لیکن یہ تجربہ ابتدا میں خوفناک تھا، مجھے معلوم نہیں تھا کہ میں کیسا محسوس کروں گی، لیکن جیسے ہی میں نے اپنی بیٹی کو گود میں لیا، سب کچھ فطری طور پر ٹھیک ہو گیا۔عروہ نے خوش دلی سے اپنے فیملی پلاننگ کے ارادوں کا بھی اظہار کیا کہ میں فرحان کے ساتھ 5 سے 6 بچے اور چاہتی ہوں۔انہوں نے یہ بھی کہا کہ میں مستقبل میں بطور پروڈیوسر فلم بنانے کا ارادہ بھی رکھتی ہوں، لیکن اس کے ساتھ مزید بچوں کی ماں بننے کی خواہش مند بھی ہوں۔

کریڈٹ: انڈیپنڈنٹ نیوز پاکستان-آئی این پی