i شوبز

عدنان صدیقی کے منفرد لباس پر صارفین کے دلچسپ تبصرےتازترین

March 20, 2025

معروف اداکار عدنان صدیقی اپنے منفرد لباس کی وجہ سے سوشل میڈیا صارفین کی خصوصی توجہ کا مرکز بن گئے۔عدنان صدیقی نے حال ہی میں نجی ٹی وی کے گیم شو میں شرکت کی جس کی ویڈیوز سوشل میڈیا پر وائرل ہو رہی ہیں۔سوشل میڈیا پر وائرل ویڈیوز میں سے ایک میں دیکھا جاسکتا ہے کہ اداکار نے سرمئی رنگ کے شلوار سوٹ اور واسکٹ کے ساتھ ہلکے ہرے رنگ کی پھولوں والی چادر اوڑھ کر گیم شو میں انٹری دی تو میزبان فہد مصطفی انہیں دیکھ کر حیران رہ گئے۔فہد مصطفی نے عدنان صدیقی کو دیکھ کر کہا کہ آپ آج بہت اچھے لگ رہے ہیں کیونکہ آپ بالکل میری طرح ہو گئے ہیں۔عدنان صدیقی نے اپنی یہ تعریف سن کر کہا کہ میں نے سوچا آج میں بھی آپ کی طرح گیم شو میں چادر اوڑھ کر آ جاوں اور اس کے لیے میں نے خاص طور سے یہ چادر آپ کے کمرے سے اتروائی ہے۔عدنان صدیقی کی گیم شو میں منفرد لباس میں انٹری سوشل میڈیا پر وائرل ہو گئی ہے اور ان کی پھولوں والی چادر پر دلچسپ تبصرے کیے جا رہے ہیں۔کچھ صارفین کو یہ چادر بیڈ شیٹ جیسی جبکہ کچھ صارفین کو یہ چادر گھر کے پردے جیسی لگی۔

کریڈٹ: انڈیپنڈنٹ نیوز پاکستان-آئی این پی