بالی ووڈ اداکارہ عالیہ بھٹ اپنی اکلوتی نند ریدھیما کپور ساہانی کی ایک ایسی عادت منظر عام پر لے آئیں جسکو سن کر سب حیران رہ گئے۔عالیہ بھٹ اکثر و بیشتر اپنے شوہر، بیٹی اور ساس نیتو کپور کے بارے میں تو بات کرتے دکھتی ہیں لیکن وہ اپنی نند کے بارے میں زیادہ بات نہیں کرتیں۔ اپنے سوشل میڈیا پر ایک ویڈیو پیغام میں عالیہ بھٹ یہ انکشاف کرتی دکھیں کہ انکی نند ریدھیما کپور، رنبیر کپور سے بھی زیادہ بڑی گوسپ کوئین ہے۔عالیہ بھٹ نے کہا کہ اگر کوئی ایسا شخص ہے جسکے پاس تمام خبریں ہوتی ہیں تو وہ کوئی اور نہیں بلکہ ریدھیما کپور ہیں، وہ بہت ہی تہلکہ خیز خبر بہت ہلکے پھلکے انداز میں بتا دیتی ہیں اور وہ خبریں بعد میں زیادہ تر سچ ہی نکلتی ہیں۔اسی ویڈیو میں عالیہ بھٹ نے ریدھیما کپور کو راہا کی سب سے انٹرٹیننگ پھوپھی بھی قرار دیا اور کہا کہ ریدھیما راہا کو رحم دلی کا سبق دیتی ہیں۔ یاد رہے کہ بالی وڈ کے متعدد اسٹارز اور رنبیر کپور کی کزنس کرینہ کپور اور کرشمہ کپور بھی رنبیر کو بالی وڈ کا وہ اداکار قرار دیتے ہیں جس کے پاس ساری خبریں ہوتی ہیں اور جو گوسپس کے خزانے سے مالا مال رہتا ہے۔

کریڈٹ: انڈیپنڈنٹ نیوز پاکستان-آئی این پی