ڈائریکٹر کاشف نثار نے پاکستان اور بھارت کے باصلاحیت اداکاروں کے ساتھ کام کرنے کی اپنی خواہش کا اظہار کیا ہے۔کابلی پلا اور مشہور ڈرامہ رانجھا رانجھا کردی کے ہدایتکار کاشف نثار عفت عمر کے پوڈکاسٹ میں بطور مہمان شریک ہوئے جہاں میزبان نے ان سے سوال کیا کہ وہ مستقبل میں کس کے ساتھ کام کرنا چاہتے ہیں۔جس پر ہدایتکار کا کہنا تھا کہ ان کی بڑی خواہش ہے کہ وہ عالیہ بھٹ کے ساتھ کام کریں، ان کا کہنا تھا کہ عالیہ جس طرح کردار نبھاتی ہیں وہ متاثر کن ہے، وہ اسکرپٹ کو اچھی طرح سمجھتی ہے اور جانتی ہے کہ کس کردار کو کس طرح نبھانا ہے۔ وہ جانتی ہے کہ کون سا ایکسپریشن کب استعمال کرنا ہے، عالیہ ذہین لڑکی ہے۔وہ جس مرد اداکار کے ساتھ کام کرنا چاہتے ہیں اس کے بارے میں بات کرتے ہوئے، رانجھا رانجھا کردی کے ڈائریکٹر نے کہا، میں فواد خان کے ساتھ کام کرنا چاہتا تھا، لیکن مجھے کبھی موقع نہیں ملا۔

کریڈٹ: انڈیپنڈنٹ نیوز پاکستان-آئی این پی