سنکیانگ میں ہوم ٹورازم، اویغور فیملیز کے لئے آمدنی کا نیا ذریعہ بن گیا ، ان کی ماہانہ آمدنی اوسطا 10000 آر ایم بی سے بڑھ کر 25000سے-30000 آر ایم بی ہوگئی ، لوگوں نے اپنے گھروں کو عارضی ریستوراں یا مہمان خانوں میں تبدیل کر دیا ۔گوادر پرو کے مطابق سنکیانگ کے سابق دارالحکومت ییننگ میں قازانکی نسلی کلچر اسٹریٹ پر پاکستان کے 9 رکنی وفد کا خیرمقدم کرتے ہوئے یننگ سے تعلق رکھنے والی ایک اویغور مسلمان مس خالدہ نے مسکراتے ہوئے کہا ایک نوالہ کھائیں اور نرم، گرم نان(روایتی تندور میں پکی ہوئی مقامی روٹی)کا مزہ لیں۔ انہوں نے مزید کہا یہ تجربہ یہاں اویغور مسلمانوں کی گرم جوشی اور مہمان نوازی کی ایک جھلک پیش ہے۔ گوادر پرو کے مطابق انہوں نے کہا نان ہمارے روزمرہ کے کھانوں کا ایک لازمی حصہ ہے اور ہم فخر سے اسے دوسرے روایتی پکوانوں کے ساتھ اپنے پیارے مہمانوں اور سیاحوں کو پیش کرتے ہیں۔ اپنے شوہر قربان علی کے ہمراہ انہوں نے پاکستانی میڈیا کے مندوبین کے سامنے فلفی نان تیار کرنے اور پکانے کے عمل کا مظاہرہ کیا۔ گوادر پرو کے مطابق 'چائنہ ٹور فار پاکستان میڈیا اینڈ تھنک ٹینک 2024' کے عنوان سے وفد نے وسیع و عریض صحن میں ایک بڑی میز پر پیش کیے جانے والے خشک میوہ جات، تازہ پھل، چائے اور آئس کریم سمیت گھر کے تیار کردہ مختلف پکوانوں کا لطف اٹھایا۔ صحن انگوروں کی خوشبودار شاخوں کے ساتھ سے سایہ دار تھا، ایک پرسکون ماحول فراہم کر رہا تھا ۔ ایغور میزبانوں نے مندوبین کو اپنے کے گھر کا دورہ بھی کرایا ، جس سے انہیں اندرونی تاریخی ، رہائشی کمروں کی سجاوٹ ، اور دیواروں ، دروازوں اور محرابوں کی ساخت کی تعریف کرنے کا موقع ملا۔ گوادر پرو کے مطابق میڈیا وفد کو فراہم کی جانے والی تمام خدمات خالدہ خاندان کی جانب سے قابل ستائش تھیں۔ تاہم، خالدہ نے وضاحت کی کہ وہ باقاعدگی سے "ہوم ٹورازم" میں مشغول رہتی ہیں، جو قازانکی کے علاقے میں بڑھتا ہوا رجحان ہے، جسے شیئرنگ اکانومی بھی کہا جاتا ہے۔ اپنے گھر کو تجارتی طور پر چلا کر، وہ معقول آمدنی کماتی ہیں۔ گوادر پرو کے مطابق میزبان کی بیٹی فریدہ نے وضاحت کرتے ہوئے کہا کہ "ہمارا گھر 'ہوم ٹورازم' کے کاروبار کا حصہ ہے، جو حال ہی میں قازانکی میں مقبول ہوا ہے۔

اس سے ہمیں فیملی کے اخراجات کو موثر طریقے سے پورا کرنے کے لیے اضافی پیسہ کمانے کا موقع ملتا ہے۔ اعتماد کے ساتھ بات کرتے ہوئے انہوں نے بتایا کہ سیاحتی سیزن کے دوران ان کی ماہانہ آمدنی اوسطا 10000 آر ایم بی سے بڑھ کر 25000-30000 آر ایم بی ہو جاتی ہے۔ انہوں نے کہا کہ قازانکی میں رہنے والے تقریبا 2000 ایغور خاندانوں میں سے 88 گھریلو سیاحت کے کاروبار سے وابستہ ہیں۔ گوادر پرو کے مطابق ہوم ٹورازم چین کے بہت سے حصوں میں ابھرتے ہوئے کاروباری رجحان کا حصہ ہے ، جہاں لوگ اپنے گھروں کو عارضی ریستوراں یا مہمان خانوں میں تبدیل کرتے ہیں ، ثقافتی طور پر بھر پور ، کم قیمت پر گھر کا بنا کھانا پیش کرتے ہیں۔ گوادر پرو کے مطابق فریدہ سے جب ان کے پس منظر کے بارے میں پوچھا گیا تو انہوں نے بتایا کہ انہوں نے یونیورسٹی آف انٹرنیشنل بزنس اینڈ اکنامکس سے انگریزی میں گریجویشن کیا ہے اور اب گوانگژو میں غیر ملکی تجارت میں مصروف ہیں۔ انہوں نے ویغوروں کی بھر پور مہمان نوازی اور ہر مہمان کو گھر جیسا احساس دلانے کے عزم پر زور دیا۔ گوادر پرو کے مطابق ہوم ٹورازم ، جسے شیئرنگ اکانومی بھی کہا جاتا ہے ، سیاحوں کو انوکھے فوائد پیش کرتا ہے جو کمرشل ہوٹلوں سے کھانا نہیں کھا سکتے ہیں۔ گھریلو سیاحت کے ذریعے ، زائرین ، بشمول مختلف صوبوں کے چینی سیاح اور غیر ملکی ، خود کو یننگ ثقافت میں غرق کرتے ہیں ، روایتی کھانوں سے لطف اندوز ہوتے ہیں ، اور مقامی ثقافت ، مذہب اور روزمرہ کی زندگی کے بارے میں جاننے کا موقع حاصل کرتے ہیں۔ پیسے کی بچت کرتے ہوئے انہیں 'مقامی' کی طرح زندگی گزارنے کا تجربہ بھی ملتا ہے۔ گوادر پرو کے مطابق اویغور زبان کا مطالعہ کرنے میں دلچسپی رکھنے والے طلبا کو گھریلو اشتراک خاص طور پر پرکشش اور کم خرچ لگتا ہے۔ اپنے قیام کے دوران، وہ روزمرہ کی زندگی میں مشغول رہتے ہیں، مقامی لوگوں کے ذریعہ بولی جانے والی زبان کی بنیادی بولی، دھن اور لہجہ سیکھتے ہیں۔ عالمی سطح پر ، گھریلو سیاحت ، شیئرنگ اکانومی کے حصے کے طور پر ، انسانی ، جسمانی اور دانشورانہ وسائل کے اشتراک کے ارد گرد تعمیر کردہ سماجی و اقتصادی ماحولیاتی نظام کی نمائندگی کرتی ہے۔

کریڈٹ: انڈیپنڈنٹ نیوز پاکستان-آئی این پی