امریکی صدر ڈونلڈ ٹرمپ نے کہا ہے کہ پاک بھارت جنگ کے دوران 6 یا 7 نہیں بلکہ 8 طیارے گرائے گئے۔میامی میں خطاب کے دوران ڈونلڈ ٹرمپ کا کہنا تھا کہ پاکستان اور بھارت کی جنگ کے دوران میں نے اخبارات میں پڑھا کہ 7 یا 8 طیارے گرائے گئے۔ ایک اخبار نے لکھا کہ 7 طیارے گرائے گئے جبکہ ایک کو نقصان پہنچا۔امریکی صدر نے کہا کہ حقیقت یہ کہ اس جنگ میں 8 طیارے گرائے گئے۔ پاکستان اور بھارت کے درمیان جنگ میں نے رکوائی کیوںکہ دونوں ایٹمی طاقت ہیں ، میں نے دونوں ممالک سے کہا کہ اگر جنگ نہیں روکی تو ٹیرف میں مزید اضافہ کرکے تجارت روک دوں گا۔ انہوں نے مزید کہا کہ جنوبی افریقا کو جی 20 میں نہیں ہونا چاہیے، جنوبی افریقا میں جی 20 اجلاس میں شرکت نہیں کروں گا۔ ہم نے کئی ممالک کوابراہیمی معاہدہ میں شامل کیا، امیدہے سعودی عرب بھی اس معاہدے میں شامل ہو گا، ہم مشرق وسطی میں امن کیلئے اچھا کام کر رہے ہیں۔

کریڈٹ: انڈیپنڈنٹ نیوز پاکستان-آئی این پی