چین کے اعلی عوامی استغاثہ نے جنوب مغربی صوبہ یون نان کے سابق سیاسی مشیر ہوانگ یی کو رشوت ستانی کے الزام میں گرفتار کرنے کا اعلان کیا ہے۔ اعلی عوامی استغاثہ نے ایک بیان میں بتایا کہ قومی نگراں کمیشن نے ہوانگ کے خلاف تحقیقات مکمل کرلی ہیں جس کے بعد مقدمہ کو قانونی چارہ جوئی کے لئے حکام کے سپرد کردیا گیا ہے۔ چینی عوامی سیاسی مشاورتی کانفرنس کی یون نان صوبائی کمیٹی کے سابق وائس چیئرمین ہوانگ کو دوسروں سے رقم، تحائف اور ضیافتیں قبول کرنے کا مرتکب پایا گیا تھا، انہوں نے نجی کلبز کا دورہ بھی کیا تھا۔ مقدمہ کی مزید کارروائی جاری ہے۔

کریڈٹ: انڈیپنڈنٹ نیوز پاکستان-آئی این پی