پاکستان فشریز ایکسپورٹر ایسوسی ایشن کے چیئرمین فیصل افتخار نے کہا ہے کہ متوازن میری ٹائم گورننس، انسانی سرمائے کی سرمایہ کاری اور نجی شعبے کی شمولیت پاکستان کی بلیو اکانومی کی ترقی کے امکانات سے فائدہ اٹھانے اور سمندروں کے تحفظ میں معاونت کی کلید ہے۔ویلتھ پاک سے بات کرتے ہوئے انہوں نے کہا کہ ایک جامع میری ٹائم حکمت عملی کی کمی کی وجہ سے پاکستان کی بلیو اکانومی بڑی حد تک غیر استعمال شدہ ہے۔ انہوں نے نشاندہی کی کہ جہاں سی پیک کے تحت گوادر پورٹ کی ترقی جیسے اقدامات نے میری ٹائم سیکٹر پر توجہ مبذول کرائی ہے، وہیں پاکستان کے سمندری وسائل کی مکمل اقتصادی صلاحیت کو محسوس کرنے میں اب بھی ایک اہم خلا موجود ہے۔انہوں نے کہا کہ پاکستان کو میری ٹائم گورننس کے لیے ایک جامع نقطہ نظر اپنانے کی ضرورت ہے جس میں نہ صرف بندرگاہوں کی ترقی پر توجہ دی جائے بلکہ پائیدار ماہی گیری کے طریقوں، ساحلی انتظام اور سمندری حیاتیاتی تنوع کے تحفظ کو بھی شامل کیا جائے۔پاکستان کی بلیو اکانومی کی طویل مدتی کامیابی کے لیے ماحولیاتی تحفظ کے لیے پالیسیوں کا نفاذ ضروری ہے۔ اس طرح کی پالیسیوں کے بغیرپاکستان اپنے سمندری ماحولیاتی نظام کو تباہ کرنے کا خطرہ رکھتا ہے، جس کے ماہی گیری اور سیاحت جیسی صنعتوں کے لیے سنگین نتائج ہوں گے جو دونوں صحت مند سمندروں پر انحصار کرتے ہیں۔انہوں نے مزید کہا کہ پاکستان کی ماہی گیری کی صنعت جو کہ بلیو اکانومی کا ایک اہم حصہ ہے، اس وقت ماہی گیری کے غیر پائیدار طریقوں کی وجہ سے مچھلی کے ذخیرے میں کمی کا شکار ہے۔انہوں نے نشاندہی کی کہ اگرچہ پاکستان میں کافی سمندری حیاتیاتی تنوع موجود ہے لیکن اس میں پائیدار ماہی گیری کو یقینی بنانے کے لیے مناسب ضوابط اور نفاذ کے طریقہ کار کا فقدان ہے۔ انہوں نے تجویز دی کہ حکومت مچھلیوں کی کی نگرانی کے لیے تحقیق اور ترقی میں سرمایہ کاری کرے اور جہاں ضروری ہو کوٹہ اور پابندیاں قائم کرے۔

مزید برآں، انہوں نے سیکٹر میں گورننس اور تعمیل کو بہتر بنانے کے لیے جدید ٹیکنالوجیز، جیسے سیٹلائٹ مانیٹرنگ اور ڈیٹا پر مبنی فشریز مینجمنٹ سسٹمز کے استعمال کی وکالت کی۔سابق پراجیکٹ ڈائریکٹر سی پیک سینٹر آف ایکسی لینس اور پاکستان انسٹی ٹیوٹ آف ڈویلپمنٹ اکنامکس میں مالیاتی پالیسی سیکشن کے سربراہ محمود خالدنے نوٹ کیا کہ ایک سمندری ملک کے طور پر پاکستان کا کردار صرف اقتصادی ترقی کے بارے میں نہیں ہے بلکہ علاقائی اور عالمی سطح پر بھی اپنا کردار ادا کرنا ہے۔ پائیداری کے اہداف، بشمول اقوام متحدہ کے پائیدار ترقی کے اہداف 14، جو سمندروں کے تحفظ اور پائیدار استعمال پر توجہ مرکوز کرتا ہے۔پاکستان کی معیشت کو آگے بڑھانے میں ایک بڑا چیلنج سمندری صنعتوں میں انسانی وسائل کی ترقی کا فقدان ہے جب کہ پاکستان نے دیگر شعبوں میں تعلیم اور تربیت میں پیش رفت کی ہے، میری ٹائم سیکٹر اب بھی ہنر مند لیبر اور میرین سائنس، میری ٹائم لا اور اوشین گرافی میں مہارت رکھنے والے پیشہ ور افراد کی کمی کا شکار ہے۔خالد نے اس بات پر روشنی ڈالی کہ اگر پاکستان نے اپنی بحری معیشت کو مکمل طور پر استعمال کرنا ہے تو اسے ایک ایسی افرادی قوت تیار کرنے میں سرمایہ کاری کرنی ہوگی جو جدید سمندری آپریشنز، ماحولیاتی تحفظ کے پروگراموں اور پائیدار ماہی گیری کا انتظام کر سکے۔انہوں نے مزید کہا کہ حکومت کو ایک سازگار ریگولیٹری ماحول بنانے کی ضرورت ہے جو نجی شعبے کی شمولیت کی حوصلہ افزائی کرے اور اس بات کو یقینی بنائے کہ ماحولیاتی معیارات کو برقرار رکھا جائے۔ جدید ٹیکنالوجیز، جیسے کہ مصنوعی زہانت سے چلنے والے میرین ٹریفک مینجمنٹ سسٹمز اور گرین انرجی سلوشنز کا انضمام، پاکستان کو اپنے میری ٹائم سیکٹر کو جدید بنانے اور کارکردگی بڑھانے میں بھی مدد دے سکتا ہے۔

کریڈٹ: انڈیپنڈنٹ نیوز پاکستان-آئی این پی ویلتھ پاک